Die lewe is hard
Ongenaakbaar hard

Die lewe tap bloed uit ‘n klip
Sonder enige begrip

Ek werk al ‘n halwe leeftyd
Dis lesse was ‘n stryd

Waar sou ek begin?
Dan maar by die begin

In die begin het God die hemel en die aarde geskape
Toe gooi die mens dit als in die water

Elke een doen sy bes
Dit was ‘n moeilike les

Stel die grense vas
Dat elke een weet waar hulle pas

Los die verlede net daar
Dit is mos kant en klaar

Sê nee op die regte tyd
Al is dit ook ‘n stryd

Die gesproke woord kan nie teruggetrek word nie
Woorde sny diep – moet dit nooit vergeet nie

TROOS: Die Here is altyd daar
Dis goed as jy jou by Hom skaar

Logika is ‘n relatiewe konsep
Selfsug eerder die hart se klep

Ware liefde ‘n rare verskynsel
wat haat om jou verbrysel

Stres is soos suurstof
Jy asem dit in tot jy ontplof

Dankie is nooit te laat
As die woorde met jou hart praat

HOOP: my God is meer as genoeg
Ek moet ophou om te wroeg

Spreek woorde van lewe
Vergewe sewentig maal sewe

Tyd kan jy nooit terugkry
Maak elke sekonde tel vir jou en my

Sien die groter prentjie raak
Moenie dat die duiwel jou geluk kom skaak

Luister na die Trooster
Niemand anders weet van beter

Alle regte voorbehou