JOIN OUR MAILING LIST


Vandag vra iemand:
“Wat was jou verjaarsdagwens?”
Ek probeer dink

Wat sal ek antwoord?

Kan niks onthou nie!

Niks nie…

Ek het nie ‘n verjaarsdagwens gehad nie
Geen wense vir die jaar
Geen kersies doodgeblaas

Ek vat díe jaar af, miskien sommer twee


Al wat ek wil doen
Is om my gedigte te skryf

Nader aan God te beweeg
Daar te wees vir my dierbares

Ek wil meer doen


Miskien om weer heel te word?

Is ek stukkend?
Nee, ek het net verander

Nou moet ek myself van vooraf leer ken
Ek is die klei en Hy die pottebakker

Wat was jou verjaarsdagwens?

Is jy gereed om te groet?

Ek dink nóu sal ek sê:
“As ek jou nie weer hier sien nie,
dan sien ek jou in die wolke!”

Alle regte voorbehou
Back