JOIN OUR MAILING LIST


Ek het van Pa gedroom
Was ekstaties bly om Pa te sien


Maar die wete was daar

Dit was net ‘n droom

Hoe verwoord mens verlange?

Die trane wat agter my oë begin brand?


Wanneer die gevoel te veel word en jy jou lippe saampers?
‘n Gemis wat nie minder word nie

Maar dis net gevoelens
Geen woorde kan verlange regtig beskryf

Mense wil dit ook nie nou hoor nie
Ek moet net aangaan met die lewe


Aangaan, terwyl ek nie woorde het nie

Woorde vir dit wat ek voel nie

Een troos: Jesus weet

Hy het die beker gedrink


My hart is net seer

Vol verlange vir my Pa


Ek moenie dink nie
Dan word ek bang vir al die ellende

Sal maar hoop vir nog ‘n droom

En wanneer ons weer in die wolke ontmoet!


Ek het van Pa gedroom
Wou net vir Pa ‘n drukkie gee

Alle regte voorbehou
Back